كان لسه هيمشي بس ناديت عليه
_ خالد
التفت ليا
_عايزة ايه
_ عايزة اروح اسكندرية دلوقتي
close
_ دلوقتي
هزيت راسي بإيجاب
بعد خمس دقايق كنا في العربية سافرنا من غير ما نقول لحد لأن البيت كله كان نايم
قضينا طول الطريق ساكتين حتى مسألنيش مسافرين ليه او رايحة فين
بعد وقت كنا قصاد بيت عمي
_ هتتأخري
_ مش عارفه بس ارجع انت
_ متأكدة
هزيت راسي
_ شكرا يا خالد
اول ما دخلت البيت لقيتهم قاعدين بيفطروا في الجنينة
الكل اتفاجئ من وجودي لكني مردتش على حد
من غير ولا كلمة شديت محمد و طلعنا اوضته قفلت الباب
و وقفت قصاده ضربته بالقلم
بصلي بصدمة وهو بيحط ايده على خده اللي كانت صوابعي معلمة عليه
_ انتي اتجننتي
حضنته بكل قوتي و انا بعيط