– وحيدة هناك
تعالت الزغاريد من داخل ذاك البيت الشبه متهالك، بعمق إحدى الحارات، مؤكدة على مظاهر الفرح المتمثلة
فالأنوار الملونة على واجهة المنزل، التي جعلته أشبه بفتاة قبيحة، وضعت المزيد من أدوات التجميل على بشرتها الشاحبة، في محاولة لإصلاح ما يمكن إصلاحه من مظهرها الخارجي، ارتفعت الزغاريد من جديد، فانتفضت هي بموضعها أمام المرآة، في حجرتها الضيقة، التي بالكاد تحمل محتوياتها القليلة، تتطلع نحو وجهها البض، الذي لم
تنته صديقتها من إكمال تجميله بعد، هاتفة في اضطراب عروس ليلة عقد قرانها، وبنبرة يملؤها الترقب واللهفة: خلصي بقى يا صابرين، شكل العريس وصل..
هتفت بها صابرين مؤكدة: لا لسه متقلقيش، دي شوية تفاريح من البنات، شكلهم وصلوا وبيعملوا لك جو.
كانت محقة تماما، فما أن أنهت جملتها، حتى اندفعت بعض الفتيات لداخل الغرفة، لتنطلق سلسلة أخرى من الزغاريد، وكل منهن تندفع لتحية العروس.
هتفت إحداهن في فرحة: أخيرا يا سلمى! ده إحنا قلنا مفيش أمل فالجوازة دي، خمس سنين يا مفترية!
هتفت سلمى في هيام : ولو خمسين سنة، كنت هستناه برضو، لأني بحبه.
هتفت أخرى في حنق: بلا حب بلا كلام فاضي، أهو الكلام الأهبل ده هو اللي خرب عقول البنات، وكله بينزل على مفيش فالأخر.
هتفت صابرين وهي تنظر للفتاة في حنق: بقى ده كلام يتقال لعروسة ليلة فرحها! ده انتوا بنات غم صحيح، زغرتي