وأنا فالمطار كنت قاعدة بدعيله لما أتأخر الناس اللي كنت مستنياهم، ولما كنت خلاص جبت أخري، قلت له يا رب أنا تعبت، لقيتك قصادي فجأة بتعرض عليا الشغل، زي رحمة جت من عنده، وده موقف من المواقف الكتير اللي حصلت معايا، معقول لما يناديني عشان أقابله، بعد كرمه ده كله، ملبيش، ولو كلفني إيه!.. إيه رأيك الأكل أهم
برضو!
ارتعدت دعائم روحه، واهتزت دواخل نفسه، واستطاع أخيرا أن يحيد بناظريه عن محياها، والذي كان يعتقد أنه مخير في تقليب عينيه بعيدا عنه، فإذا به مأخوذا كليا.
تنحنح قليلا، يحاول أن يجلي صوته، من حشرجة تملكته، لا يعرف لها سببا، وحمل شوكته من جديد، حاملا بعض
من طعام، دفعه بفيه، لكنه لم يستطع ابتلاعه إلا بشق الأنفس، مستعينا على ذلك، برشفة من ماء من كأسه الكريستالية التي كانت بالقرب.
لتهتف هي مستطردة، بعد فترة من الصمت، سادت بينهما، وهي لا تدرك مدى التزامه بالصلاة من عدمه: أنا بشفق عليك الصراحة، أنت كل يوم في بلد، وأحيانا بتبقى فبلدين في نفس اليوم، إزاي بتنظم مواعيد الصلاة!
ساد الصمت من جديد، يحاول أن يجد لها إجابة شافية، تعفيه من الحرج، ليجدها أخيرا وهي يتنحنح مشيرا لجواله: عن طريق الموبيل، بتظبط تلقائي مع توقيت البلد اللي أنا فيها، فبعرف أنا فأي توقيت صلاة، بسيطة أهي..
ابتسمت مؤكدة: فاتت عليا دي، شاطر.
تطلع نحوها ممتعضا: شاطر!