وجهة نظرك دي، وخاصة بالفيديو كليب الهابط ده، قدام حد بيحب الأوبرا، صدقيني أنتِ اللي خسرانة.
همت بالرحيل هاتفة: شكرا ع النصيحة الغالية، بس الحمد لله اللي حواليا كلهم كانوا ناس فرفوشة ملهمش فالنواح والعديد ده.
ما أن وصلت للباب، إلا وتوقفت متسائلة بدافع الفضول: طب أنا الفضول قاتلني وعاوزة أعرف، هو حضرتك فاهم هي بتصرخ بتقول إيه!
تطلع لها عاتبا، لتعدل من صيغة السؤال: أقصد يعني عارف هي بتغني تقول إيه!
أكد بإيماءة من رأسه، وهو يرتشف أول رشفة من فنجانه مستحسنا: آه طبعا عارف، بس يمكن أنتِ عشان مش عارفة اللغة اللي هي بتغني بها، فمش فاهمة إيه اللي بيتقال.
هتفت مستفسرة : طب هي بتغني بأنهي لغة!
أكد: الإيطالية.
تطلعت نحوه متعجبة: وأنت تعرف إيطالي!
أكد في ابتسامة فخمة، ليست معتادة: أنا أعرف أربع لغات غير الإيطالية، وبتكلمهم بطلاقة.
هتفت في أريحية: أيوه طبعا ابن بشوات بقى، قاموس ماشي ع الأرض، نروح فين إحنا، ده أنا العربي بتاعي أصلا في ذمة الله، تقولي خمس لغات!
قهقه رغما عنه، فمهما حاول في وجودها التظاهر بالجدية، هي قادرة تماما على إخراج الضحكات من أعماقه،