همست نفيسة: اسمها برلنتي هانم.
همست سلمى ساخرة: برلنتي هانم وشيرين باشا! إيه جو ليالي الحلمية اللي أنا وقعت فيه ده!
كتمت نفيسة ضحكاتها مجددا، وأيوب مستمر في سرد الممنوعات والتعليمات الخاصة بالعمل، وما أن انتهى، حتى هتف بسلمى في صرامة: مفهوم يا آنسة سلامات!
هتفت سلمى التي كانت شاردة بالفعل، بقوة أشبه بعسكري يؤدي التحية: تمام يا فندم!
كتم الجميع ضحكاتهم، ليصرفهم أيوب، ما عداها، استوقفها مؤكدا: زي ما قلت يا آنسة، اديني بأكد، الفطار الساعة ٨ صباحا، والغدا الساعة ٣، والعشاء الساعة ٨ مساءً، ومفيش خروج من أوضتك بعد الساعة تسعة مساءً لأي
سبب، أوضتك فيها كل اللي هتحتاجيه، فأرجو الالتزام.
هزت رأسها في إيجاب، ليستطرد قائلا: أي حاجة خاصة بساجد، اطلبيها، أنا منتظر أشوف تطور فالحالة عن قريب.
همست مؤكدة: إن شاء الله.
همت بالمغادرة للمطبخ من جديد، إلا أنه استوقفها مجددا، أمرا: خدي نمرتي سجليها عندك..
أخرجت هاتفها من جيبها، مشيرة له مؤكدة: للأسف شحنه فاصل من القعدة فالمطار، وأنا ملقتش عند دادة نفيسة شاحن مناسب عشا…