close
تساءلت سلمى متعجبة: وليه كل ده! هي عملت إيه بالظبط عشان..
قطع تساءل سلمى، نداء أيوب الحازم: يا سعدون!
اندفع سعدون في اتجاه غرفة المكتب مهرولا، بينما هتفت نفيسة في توتر: ربنا يعدي اليوم ده على خير، استر يا رب.
همست سلمى مستفسرة من جديد: هي الأخت هيفا، عملت إيه لكل ده!
همست نفيسة بدورها: بصي، أنا كنت لسه واصلة هنا جديد، يوم ما هي مشيت، بس سعدون حكى لي شوية حاجات، خلتني عارفة إن وجودها مش مرغوب فيه، وهيكون سبب مشاكل وقلق.
كادت سلمى أن تعيد سؤالها، لولا دخول موجة من عطر فرنسي عميق، لداخل المطبخ، مع صوت رقيق لامرأة تسأل نفيسة في دلال: الغدا ليه ما جهز للحين يا نفيسة!
هتفت نفيسة مؤكدة: الغدا في الثالثة بالضبط يا هيفا هانم، هاد أوامر أيوب بيه.
ابتسمت هيفا في تعجب: أيوب ما تغير، على حاله من ساعة ما رحلت..