قاطعهما صوت أيوب الصارم، متسائلا في تعجب، وهو يتطلع للماء على الأرض، وهيئة سلمى المزرية: إيه اللي بيحصل هنا!
اضطربت نفيسة قليلا، قبل أن تفسر: أبدا يا أيوب بيه، حنفية المطبخ كانت بايظة ومبهدلة الدنيا، وآنسة سلمى ربنا يبارك لها، صلحتها.
هتف في حنق: وهو ده شغل آنسة سلمى! فين سعدون! وليه مجبش حد من الصيانة!
أكدت نفيسة: كل عمال الصيانة إجازة من الدوام النهاردة يا أيوب بيه..
هتف أيوب دون النظر صوب سلمى، أمرا إياها: لو سمحتي، حصليني على أوضة المكتب.
أنهى كلماته، وخرج من المطبخ مهرولا، تطلعت سلمى نحو نفيسة، تحاول طمأنتها، حين ظهر على قسمات نفيسة الانزعاج، هاتفة في مرح: مش عارفة ليه محسسني، إن اوضة المكتب دي، اوضة الفيران مثلا! .. ماشي يا سيدي،
هو أنا هخاف..
ابتسمت نفيسة، رابتة على كتف سلمى في حنو، لتخرج سلمى متوجهة صوب المكتب، طارقة بابه لمرة واحدة، قبل أن تستجيب لأمره بالدخول، مثلت أمامه، هاتفة تحاول امتصاص بعض من حنقه الغير مبرر: يا أيوب بيه، أنا اللي عرضت المساعدة، والحمد لله إنها جت بفايدة، و…