يقطاعها مؤكدا: المفروض أعمل لك أوڤر تيم، على الشغل الزيادة ده!
ابتسمت هامسة: أنا بعمل ده عشان خاطر دادة نفيسة، تقدر تقول كده، محبة فيها، والمحبة ملهاش تمن.
همس متسائلا في سخرية: ملهاش تمن! مفيش حاجة فالدنيا ملهاش تمن، كل شيء قصاده حاجة بالمقابل.
هزت كتفيها، وهمت بالرحيل هامسة: يمكن، بس اللي أنا متأكدة منه، إن في حاجات ولو كنا نملك كنوز الدنيا،
رواية من يطرق باب القلب كاملة جميع الفصول
عمرنا ما نقدر نشتريها.
خطت نحو الباب، ليستوقفها مستفسرا: زي إيه!
استدارت تواجهه مجيبة في هدوء: زي الصحة، زي المحبة الصادقة من القلب بدون غرض ولا مصلحة، زي الونس الحقيقي، زي السند وقت الضيقة، حاجات كتير يمكن مبنحسش أد ايه هي مهمة، إلا لما نحتاجها ومنلاقيهاش،
ومهما كان معانا مال الدنيا، عمره ما هايشتريها.. دي حاجات ملهاش مقابل ولا تتقدر بتمن..
خيم الصمت لبرهة، لتستطرد في نبرة حار في تفسيرها: اللي تقدر تتمنه يا أيوب بيه مهما غلي تمنه، فهو مش غالي..
خيم الصمت مرة آخرى، ليقطعه أيوب هذه المرة، مادا كفه بكيس كرتوني أنيق، هاتفا: دي هدية بسيطة، على تعبك
في تطور حالة ساجد.
هتفت في هدوء، ولم تمد يدها لأخذ الهدية: أكيد شكرا، بس مفيش داعي لأي هدايا، أنا بعمل واجبي مع ساجد، وباخد على ده مرتبي.
هتف في محاولة لضبط النفس: أنا جايب لكل الموجودين هدايا، يعني أنتِ مش استثناء، وبعدين شوفيها الأول،