= تمام.. شكرا مستر مروان ” أردفت بنبرة رسمية ”
– استأذنت ” عزة ” للخروج ليأومأ لها ، ثم أمسك بهاتفه يريد عمل مكالمة ، لكنه وجد الباب يُفتح ويدلف منه السيد ” زُبير ” ، لينهض من مقعده واقفاً ليتبادل المصافحة مع رئيسه بالعمل .
_ صباح الخير “زُبير ” بيه اردف بنبرة رسمية
= صباح الخير يا مروان ، أنا شايف انك رجعت للشغل بعد المجهود اللي عملته الفترة اللي فاتت بس انا شايف انك تستاهل تاخد break
_ لا مفيش داعي يافندم انا كويس
= طيب تمام ، علي العموم انا جيت عشان أهنيك علي الترقية الجديدة
_ الله يبارك في حضرتك ” زبير ” بيه ، اهم حاجه اكون استحقها
= طبعا تستحقها، وبعدين انا مبسوط منك جداً انا جالي ردود ممتازة من ” نانسي دانيال ” عشان تنظيم العروض اللي عملنهالها واللي كانت تحت اشرافك ، ف استمر يا بطل علي اجتهادك دا ، ومتنساش انوا ليك اجازة لو حبيت تاخدها في اي وقت.
_ شكرا يا فندم .
– خرج بعدها السيد زُبير من المكتب ل يليه دخول ” فايز ” .
_عزة قالتلي انك عايزني ” أخبره فايز ”