_ مبسوطة انها عجبتك ” اردفت إليه بنبرة هادئة مع ابتسامه خافتة .
= انتِ شاطرة اوي يا “فَلك ” في الأكل و الحلويات كمان و عشان كدا اسمحيلى انا هستغل شطارتك دي “اردف إليها بنبرة مرحة
– عقدت حاجبيها ثم سألته: و دا ازاي بقي ؟
_ هخليكِ تمسكِ قسم الحلويات في مطعمي الجديد دا لو معندكيش مانع يعني ” اردف إليها بنبرة جادة .
= هاشم انت بتتكلم جد ” اردفت إليه بنبرة مُتسائلة .
– حرك رأسه إليها بإيجاب ، ثم أردف إليها : اه و جد الجد كمان ، انا عايزك معايا و بعدين انتِ مش قولتيلي انك
عايزة تشتغلي .
– حركت رأسها بإيجاب.
_ يبقي خلاص خليكِ معايا ، و متقلقيش انا هكون معاكِ و كمان انتِ عارفة اني جايب صاحبى ” مينا ” هيبقي مسؤل عن المطعم قدامى ، فـ هيبقي معاكِ بردو و هيساعدك في اي حاجة عايزها في الشغل ، فـ ها اي رايك ؟
– أومأت له بإيجاب ثم اردفت إليه بنبرة هادئة: ماشي يا هاشم ، موافقة ، بس انت محكتليش بقي انت كدا خلصت كل التجهيزات في المطعم.؟؟
_ ايوة ، ويعني خلال اسبوعين و هنفتتح المطعم بإذن الله .
= علي خير ان شاء الله” اردفت إليه بنبرة هادئة مع ابتسامة لطيفة.