زعل ولا حب ولا كُره !
– صمتت لـ ثوانى لا تعلم بما تُجيب على سؤال صديقتها لانها حقاً لا تعلم الإجابة .
▪ فَلك انتِ يا بنتى ساكته ليه ، ما تجاوبيني؟!
= هو كسر قلبي يا ” حبيبة “، و داس عليه وقلبي بقي حتت صغيرة و مش هتتجمع تانى ، حتى ثقتى اللي قلبي ادهاله خانها و عشان كدا بقيت بكرههُ .
– نعم انفطر قلبها بسبب ما فَعلهُ بِها لكنها كاذبة بشأن انها لم تعد تحبهُ .
= هو وجعنى اوي يا “حبيبة ” . اردفت بنبرة حزينة .
▪ طب ما تسامحيه و تديه فرصة تانية وانا متأكدة انوا هيخفف وجعك و يحاول يراضي قلبك لانوا بيحبك بردو .
= حبيبة انتِ عايزانى اسامح مروان و اثق فيه مرة تانية و اسمحله يخونى زي ما خانى قبل كدا ، لاء يا حبيبة الثقة
اللي خدها منى قبل كدة مش هياخدها تانى.
▪ انا عارفة اني لما بسألك الأسئلة دي ممكن اكون بدايقك بس مش قصدي كدة ابداً انا كل اللي عايزاه انك ترجعي تفكري تانى في علاقتك مع مروان لانوا مش هينفع الحالة اللي انتِ فيها و اكتئابك و زعلك بالشكل دا ، حتي هو حالته بقت زي الزفت ، ف ليه تعذ٠٠بوا نفسكوا كدا ما ترجعوا لـ بعض مدام لسه موجود الحب دا بينكو .
– نعم هي مازالت تحبه وتتألم لكنها ليست قادرة علي تخطي ما فعله بها و بطفلها الصغير .