_ انا كنت كل اللي عايزه اجابة على سؤالى ، بس انتِ دايماً بتتهربي منه و بتحاولى تهنيني يا ميرا .
_ قولتلك مليون مرة مش هقولك ، وأشك انك فعلا عايز تعرف مش واخد السؤال دا حجة عشان تقرب مني وتحاول تجيلي وتدايقني وبس …..
– لم يعجبه حديثها بالمرة .
_ بس عشان مش تعمل السؤال دا حجة انا هجاوبك عليه ، اللي قالتلى علي حقيقتك الوسخة دي ، شروق اللي طلع عندها ضمير حبت تلحقني قبل ما ترميني زي البنات اللي بتعرفهم وترميهم بعد ما بتزهق منهم ، وأنا هفضل ممتنه ليها جدا علي معروفها اللي عملته معايا ، وكنت اتمنى انها تقول لـ مراتك الغلبانه وتعرفها حقيقة جوزها
القذرة وانوا عمره ما يقدر يبقي مع ست واحدة لازم يبقي زي الكلب اللي بيريل ورا اي واحدة ” اردفت بنبرة هادئة لتستفزه.
– لم يستطع تحمل حديثها هذا ليصيح بها بنبرة غاضبة عالية : لـــمـــى لـــســـانـــك يـا مــيــرا أحــســنــلــك
_ اوعي كدة بلا ميرا بلا قرف علي دماغك واحد مريض و مقرف ” اردفت بحديثها ذلك بنبرة غاضبة أيضا ثم دفعته في صدره بكل قوتها واستطاعت الهروب من حصاره لها ، وقبل أن تخرج من الغرفة ألقت الملابس التي كانت بيدها عليه لتلتحم بـ وجهه .