– و كمان كلام زميالك صح المعلومات كانت غلط فا دي مش غلطتك و مدام الموضوع طلع انك كنتي بتلحقي زمايلك المفروض كدا اني اكرمك عالموقف ده
لين ابتسمت و حطت ايدها على شعرها و هي بتبص للأرض بتوتر وبعدين لاحظت لون غريب في بنطلون ياسين:
– ده د**م ! انت متعور!!!؟؟ دي طلقة ولا اي؟!
ياسين خبط على مكان الد*م: اهدي مش وجعاني اكيد جرح سطحي انا محستش بيه حتي
لين فضلت باصة على رجلة بقلق: طيب شوفه
– هبقي اللفه باي حاجة انا متعود عالكلام ده
= طيب انا همشي عشان حضرتك تروح تلفها بقا دلوقتي أو لاء انا عايزة اتأكد الصراحة انها كويسة!
ياسين ضحك لأول مره على طريقة لين: مفيش حاجه! هي لو وجعاني هقف عليها عادي كدا؟
بصت لضحكته وهي متفاجئه وقلبها بيدق: أ.. ءء اصل كل ده بسببي و لو طلعت متعورة جامد هب..
ياسين قاطعها: لا صدقيني هي زي الفل ولا اي حاجة فاكرة لما ضربتيني بالرُوسيه و بصتيلي بستغراب اني متوجعتش حتي؟!
لين: ايوه صح! ازاي
– جسمي متعود غير أن عضمي اقوي منك بمرات فا بالنسبالي كأن كيس مخده خبطني
رفعت حوااجبها بأندهاش: انا كيس مخده؟!!!
– مثلا يعني..