= وسبتيها تمشي معقول !!
– هعمل اي؟ احنا كنا عرفنا نسيطر عليها قبل كدا!
= ماما لين لحد دلوقتي مش بتعترف بمو*ت بابا
رواية الهدف كاملة جميع الفصول من الفصل الأول إلى الأخير
– اية الكلام ده يا علي؟ هي عارفه كويس و مدركه انا اتكلمت معاها
= انا اقصد.. ماما لين منزلتش دمعه عليه بابا ميت من مدة قصيرة و هي بتتعامل كأنه بقاله سنين!
– لين من صغرها وهي مش بتعيط بسهوله يا علي و انت عارف ده تقصد اي بكلامك بقي
= يا ماما!! قصدي انها كاتمه حاجه معينه! و بتعمل حاجه او هتعمل انا مش قادر افهم لكن اصرارها انها قوات خاصة مش طبيعي! فضلت اقول يمكن عشان بابا لكن دي مكنتش رغبتة! كان دايما يقولها ده مجال صعب و مش اي حد يدخله
– يبقي لازم تتصرف و ترجعها !!!! انت بتقولي كل ده و عارف كل ده و سايبها!
= طيب هنعمل اية
– نكلم عمك!
= اها الى هي مش بطيق ابنه هتسمع كلامه هو!
بعصبية: اتصرف يا علي !!! رجعهالي بأي شكل
– حاضر يا ماما حاضر اهدي هتصرف.
**********************************