– انا قولت ترتاحوا و اظن انتي بالذات لازم ترتاحي؟؟
” بصيت ورايا و انا بنهج و بمسح وشي ”
= انا كويسة يا سيادة المقدم بس محتاجه اتمرن حضرتك قولت هتمرني عشان الى فاتني.
close
– اها بس مش انهارده
= و انا جاهزة!
” ياسين دخل الحلبة و ركن كيس الملاكمه على جمب و وقف هو بداله و خد وضع الإستعداد ”
– نبدء؟
= نبدء.
” حاولت اضربة كتير معرفتش! هو بيدافع بس ”
– سيادتك مش بتهاجم!
= ركزي في حركاتك و سددي الأول
– انا مركزة و بكسب كل الى بلاعبهم
= عشان مستواهم لسه مبقاش عالي
– و انا مستوايا عالي
ضربني بوكس خفيف في جمبي: قولت ركزي و احمي نفسك متتكلميش وسط الماتش