يونس خرج وايمن نام علي السرير
ايمن : يا حبيبتي يا صبا اتيتمتي لتانى مره بس أنا هعوضك عن كل ده وبعدين نام
صباح تآني يوم إللي هو الخطوبه
كلهم كانو بيعملو التجهيزات بتاعه الخطوبه الباقيه لإنهم
عملو حبه قبليها بيوم والنهاردة بيعملو بقيت الحاجات
ياسمين صحيت من بدري وخدت شاور وقاعدت في إلاوضه
تجهز حاجتها لحد ما الميكب ال ارتست تيجي
دخلت عليها عزيزه بأبتسامه وفرحه وفضلت تزغرط ليها : لولولوولولولى
ياسمين اتخضت بس ابتسمت : يلهوي يا عزيزه خضيتيني
عزيزه بفرحه : مبروك يا احلي عروسه في ال دنيا عقبال ما تلبسي الابيض يارب
ياسمين ابتسمت وراحت حضنتها : حبيبتي عقبالك يا جميل
عزيزة : يارب بقولك ايه يا ياسمين انتي خلصتي اللي وراكي صح واقفه بس علي الميكب واللبس
ياسمين بأستغراب : آه ليه في حاجه
عزيزه : ممكن أخد من وقتك خمس دقايق بس
ياسمين ضربتها في كتفها : انتي عبيطه يا بت انتي بتستاذني آنتي تكلميني في أي وقت