ـ “مالك” حابب يتكلم معاكِ، هو اللي طلب مني أكلمك، ومينفعش نفوّت فرصة زي دي، أنا واثقة فيكِ أنك هتخليه يقول كل اللي كتمه جواه يا “سلمى”.
ختمت كلماتها وهي تربت على كتفيها بهدوء، ابتسمت لها الأخرى وأومأت لها بمعنى لا تقلقي، نظرت السيدة ” لمالك” وقالت له:
ـ هسيبكم تتكلموا براحتكم، عن أذنكم.
بعد انصرفها من المكتب، تقدمت “سلمى” من “مالك” ومسكت كف يده وحثته على الجلوس على الكُرسي المقابل لها ثم قالت بمرح ومشاكسة:
ـ قولي بقى إيه الموضوع المهم أوي أوي اللي عايز تكلمني فيه؟
لحظت أنه متوتر لأقصى درجة، جسده كان يرتجف بشكل ملحوظ، كان يفرك في كف يداه بشكل متكرر، ويتجول بعيناه في أنحاء الغرفة وكأنه يخشى شيئًا ما! اقتربت منه بجسدها ومسكت هي كفيّ يداه اللتان كانا يفركهما بتوتر وقالت له بنبرة دافئة:
ـ عايزاك تعرف “مالك” أن أي حاجة هتقولهالي هي سر بنا، ولو هي مشكلة فأحنا هنحلها سوا، هنحلها سوا أنا وأنت وبس.
نبرتها الهادئة بثت في نفسه الأمان، كان العرق يتكون على جبينه لا إراديًا، نظر على باب المكتب والذي كان مغلق، اقترب بجسده مِنه