ـ الموضوع منتهاش معاهم هنا وبس، الموضوع كان كل فترة يكبر منهم وقدام عنينا، كان وقتها أي حد من صحابنا لما حد بيتبناه بيكون بالنسبالنا يوم فرح، أصل حد من اخواتنا هيترحم من اللي هيحصل؛ فأزاي منفرحش؟
كانت تعطي له كامل تركيزها، أومأت له وبلهفة سألته:
ـ وبعدين؟
تنهد هو بعدما أتخلى عن الضغط على كفة يده وبدل تلك الحركة بالفرك في كلتا يداه وهو يواصل:
ـ لحد ما في يوصل جالنا صاحبنا اللي حد أتنباه وهو حرفيًا متدمر!
عقدت جبينها بتعجب وسألت:
ـ يعني إيه؟
نظر لنقطة فارغة وكأنه يتذكر ذلك اليوم وأردف:
ـ صاحبنا رجعلنا وهو شخص تاني شخص مش قادر يستحمل الصوت العالي ولا حتى أن حد يلمسه! صاحبنا بقى بيصرخ لو أي حاجة من دي حصلت جمبه أو ليّه هو بالذات!
“عودة لأعوام ماضت”
༺༻
دعنا نعود مرة أخرى حيثُ صديقتنا “سلمى” و”سمير”، بعدما هدأت الأجواء بينهم بدأت “سلمى” في استدراك الطفل في الحديث، كانت تريد أن تعرف كل شيء لكي تبدأ في رحلة علاجه في أسرع وقت، وبدأت “سلمى” تطرح عليه اسألتها قائلة:
ـ عندك كام سنة الأول؟
ـ 10 سنين.