شعرت بالآلم في حديثه؛ لذلك لَنت نبرة صوتها حين تقدمت مِنه وقالت بهدوء حاولت أن تتحلى بهِ:
ـ مين قال كده؟ أحنا يهمنا أنك تكون كويس يا “سمير” يهمنا أنك تكون في أحسن حال.
صمتت ثم استرسلت وهي تجلس بجواره وتمسك كف يده المرتجف:
ـ وأي رأيك بقى أن من النهاردة كل شغلنتي أن أعرف أنت إيه اللي مضايقك ومزعلك، ومش همشي غير لما تقولي مين بيجبلك الزفت ده.
قالتها بأصرار وهي تنظر له بتحدٍ، بينما هو فالدموع غرقت وجهه دون أن يشعر، طأطأ رأسه للأسفل ولم ينطق،
بينما هي فجلست جواره على الفراش وضمته لحضنها بحنان، أدمعت عينيها على حال ذلك المسكين، ربتت على ظهره ثم قالت له:
ـ بقى بقالك شهور يا “سمير” بتدخل الزفت ده جسمك؟ ليه بتعمل في نفسك كده؟ أنت متعرفش أن ده سم وبيدخل جسمك؟
ـ بس بيخليني أنسى وأعيش في جو حلو ورايق.
قالها وهو يتنحب في البكاء، رفعت له رأسه بيدها ثم سألته:
ـ بتنسى إيه؟ ومين بيجبلك الحاجات دي؟