تعرف أنا كنت جاية وعارفه أني هفشل، وأنك أكيد مش هتتكلم معايا ولا هترد عليا، بس كان نفسي ترد عليا عشان تقولي ليه!
نجحت في جذب انتباههُ، بعدما كان يشيح بوجهه للجهة الأخرى استدار لها وأعطاها انتباههُ، ابتسمت له بشحوب ثم واصلت:
ـ عايزة أعرف أيه السبب اللي وجعك أوي وخلاك تفكر في الأنـ…ـ ـ ـ… ـتحار! للدرجة دي ممكن يكونوا في الدار مش مهتمين بيكم عشان كده فكرت في اللي عملته ده؟
كانت تنتظر منه أي أجابة، وبالفعل جاءتها منه أشارة بأنه يرفض ما دار في عقلها، ابتسمت ثم اقتربت من فراشه بجسدها وقالت:
ـ تعرف أني زمان حاولت أعمل زيك؟
جذبت انتباههُ من جديد، كان واضح أنه يعطي لها كامل تركيزه؛ وهي استرسلت قائلة:
ـ حاولت وفشلت زيك، بس أنت حظك أحسن من حظي، أنت في ناس حواليك متفهمين اللي أنت عملته، اللي حواليك بيحاولوا
يساعدوك وياخدوا بأيدك.
تنهدت بأسى وكأنها تتذكر بالفعل ما مرت بهِ، ثم واصلت:
ـ بس أنا قابلت اللي عملته ده بعقاب! مكنش حد فاهم يعني إيه وليه اللي عملته، كلهم كانوا شايفين أني بتدلع!
نظرت له من جديد واسترسلت قائلة وكأنها ترمقه بنظرات فخر:
ـ
بس أنت غيري! أنت الكل بيحاول يساعدك! استغل النقطة دي في صالحك يا “مالك”.
نهت كلماتها وهي تنهض من مكانها وتبتسم له، أخذت حقيبتها ثم قالت له:
ـ مِس” سهام” برا، هي كانت بتخلص إجراءات خروجك من هنا، هتيجي دلوقت تستقبلك عشان ترجعوا الدار، وأكيد هشوفك تاني في الدار.