أنت بجد معندكش مسؤلية خالص! أتجوزت ليه يا “عامر” مادام شغلك واخد كل شيء في حياتك، ليه ربطتني بيك؟؟؟
كانت وصلت لذروة غضبها منه، دفعت كل ما في جوفها في وجهه دون إنذار، وكما هي دفعت ما لديها دون سابق إنذار، هو الآخر هشّم لها قلبها بكلماته دون سابق إنذار عندما قال لها:
ـ
اتجوزت عشان أخلص من زن أهلي يا “ليلى” أتجوزتك وأنا ولا بحب الجواز ولا عايزه أصلًا، المشكلة مش فيكِ، المشكلة فيا أنا، المشكلة أن أنا كل حاجة بالنسبالي هي شغلي، شغلي وبس، شغلي اللي دفعت عمري كله عشان أكبره، ومش مستعد أني أخسره عشان خاطر أي حد.
انتهى من كلماته ثم انحنى يلملم أشياءه من أعلى الأريكة، ولكنه قبل أن يغادر المكان بأكمله وقف أمامها مباشرةً ثم ألقى بسهامه في صميم قلبها عندما قال:
ـ أرضي وعيشي يا “ليلى” أنتِ مش حمل أنك ترجعي لأهلك تاني، ولا في حد هيقبل أنه يعيش مع وحدة بقت أرض بوّر مبتخلفش، لكن
أنا عاد وراضي، وأنسي الكلام الفاضي اللي قولته قبل كده، أنا أصلًا مش عايز عيال عشان أنا مش فاضي ليهم، يعني أنا وأنتِ أكتر أتنين ننفع لبعض؛ فعيشي وأسكتي يا بنت الناس.
يتبع…
ـ