بمعنى أن لو حد ضايقني أوي وجيه بعد فترة قالي متزعلش مني، أنا من حقي أني اقوله أنا مسامح، أو لا أنا مش قادر! طب لو قولتلع مش قادر هل أنا هكون كده أناني؟ طبعًا لا يا “سمير” لأن الحاجة دي بالذات مقدرة، أنت ممكن
تقدر وممكن متقدرش.
انتهت من كلماتها ثم اقتربت من مقدمة رأسه وطبعت عليها قبلة رقيقة، رفع عيناه لها وكأنه يشكرها ولكن بنظراته الخاصة لها،
ابتسمت له ثم نهضت من مكانها وقالت:
ـ هسيبك دلوقت عشان اليوم كان طويل، وبكرة هنتكلم على كل اللي حصل النهاردة، ماشي؟
وأخيرًا ابتسم لها، أومأ لها بالموافقة وهي أرسلت له قبلة في الهواء، رحلت من غرفة الطفل وكان إتجاها لمكتب السيدة “سهام” حيث تنتظرها السيدة ومعها “ليلى”.
*******************
دلفت” سلمى”لمكتب السيدة، كانت “سهام” و”ليلى”في انتظارها، وفور دخولها للمكتب كانت تقول بغضب شديد موجه حديثها للسيدة:
ـ حضرتك كنتِ لازم تصرحينا بكل شيء يخص الولاد قبل ما نبدأ شغل عشان نفهم أحنا هنأهل إيه بالظبط، لكن أننا كل شوية نكتشف