على فكرة أنا معرفش حصل إيه، ولا حتى إيه الموضوع، بس اللي أنا عارفاه أن أكيد مَس “ليلى” خلتك تقول اللي أنت عايزه للشخص
اللي قابلته، صح؟
أومأ لها برأسه وظل صامتًا، بينما هي فتنهدت وهي تمسح دموعه بأناملها وتقول له:
ـ بص يا “سمير” أنت لازم تبقى عارف أن أعظم شيء هو المواجهة، أنك تواجهة اللي قدامك ده قمة القوة، المواجهة بتخليك ترتاح، وأنا
متأكدة أنك واجهت الشخص اللي كان مستنيك، صح؟
هذه المرة هو من رفع كف يده ومسح دموعه المنهمرة، نظر لها وبضعفٍ كان يسألها:
ـ هو أنا لازم نسامح؟ يعني لو حد طلب مني اسامحه وأعمله حاجة معينة، المفروض أني أقول ماشي حتى لو أنا مش عايز والحد ده
أذاني قبل كده؟ يعني المفروض أوافق على الطلب وبس عشان مبقاش… مبقاش أناني!
ابتسمت “سلمى” عليه؛ فهي نجحت أن تجعله يتحدث ويخرّخ ما في جعبته، ربتت على كتفيه بهدوء ثم قالت له:
ـ بص يا “سمير” أنا هقولك كام حاجة وهسيبك ترتاح شوية، أولًا لازم تبقى عارف أن من حق كل واحد يسامح الشخص اللي أذاه أو لأ،