close
جاهز يا بطل؟
ـ مش جاهز، أنا خارج أقولك أني مش رايح في حتة.
سقطت ابتسامتها فور سماعها لكلماته، نظرت له بحزنٍ وسألته باهتمام:
ـ ليه يا “سمير”؟
ـ
عشان أنا محدش بيحبني يا مَس، دايمًا مرفوض، أشمعنا أنتِ اللي عايزة تساعديني وتعملي كل ده؟ ليه مش رفضاني زيهم؟
انحنت على ركبتيها وهي تبتسم له بهدوء، مسكته من معصمه ثم سألته:
ـ هو ده كلام بتقوله ولا سؤال؟ أصل الجملة مش مفهومة يا “سمير”.
لم يأتيها رد منه، فقط نظر لها ولهث بعنف كأنه في سباق ضد نفسه! نظرت له وعلى محياها ذات الابتسامة ثم واصلت بهدوء:
ـ
مين قال أن محدش بيحبك بقى؟ أنت كل صحابك بيحبوك هنا على فكرة.
نفى برأسه وبنبرة حزينة تحمل في طياتها الخذلان والوجع قال:
ـ “مالك” امبارح زعق وصرخ لما قربت منه وجيت ألعب معاه، هما رفضني ومش عايزني معاهم، زي… زي كل الناس! أنا مش مستغرب