لحياته وبيته قيمة كان زماني بقيت أم!
نهضت من مكانها ثم دارت في المكان بشرود وهي تواصل بصراخ:
ـ لكن هو مش فاضي لحد! مش فاضي ليا ولا لبيته! حتى لما رجع من سفره وقالي كل حاجة هتتصلح، كان بيكدب زي ما بيكدب عليا دايمًا! هو لسه بيسهر برا، لسه بينزل بدري ويجيلي وش الفجر، أنا لحد دلوقت محستش ولو ليوم واحد أني متجوزة بجد وحاسه
بالأمان!
انتهت من كلماتها ثم انهارت كليًا، نهضت والدتها سريعًا وهي ترمقها بحُزنٍ، كست على ركبتيها وأخذتها في أحضانها وهي تربت على خصلاتها بحنان وتقول لها هامسة:
ـ كل ده مكتوب، يمكن ربنا يعمل معاكِ معجزة، ربنا قادر على كل شيء.
لم ترد عليها، فقط سكنت في أحضانها لوقتٍ قليل حتى رفعت وجهها الذي شحب كثيرًا أثر أنهيارها وقالت بترجيّ ظهر واضحًا في نبرتها:
ـ ماما أنا عايزة اتطلق، أنا مش قادرة استحمل العيشة دي!
هُنا ولم تستطع والدتها السيطرة على حالها، اتنفضت من مكانها وهي تبعد ابنتها عنها وتزمجر بغضب:
ـ تطلقي! عايزة تكوني مطلقة والناس تاكل وشي؟؟؟ أنتِ اتجننتي صح؟؟
حاولت “ليلى” أن تتكئ على الأرض حتى نهضت من مكانها، نظرت لها برجاء ثم واصلت بملامح هزيلة شاحبة:
ـ
متجننتش، بس تعبت! أنا حاسة أني بشحت منه العيشة والوقت وكل حاجة! ليه أوافق بحاجة زي كده يا أمي؟؟
ـ عشان ده نصيبك وقسمتك يا بنتي.
هكذا أجابتها بنبرة غير قابلة للنقاش، كانت الأخرى تعبت من تلك المقابلة، نظرت لها بخذلان ولم تعقب، وهي الأخر ترجلت بخطوات سريعة نحو الباب وهي تقول لها محذرة:
ـ