بعدما انتهت “سلمى” من جلستها مع “مالك” ركضت سريعًا نحو ذلك المقهى الذي تركت فيهِ “حسن” يجلس بهِ بمفرده بعدما جاءها مكالمة هاتفية من السيدة “سهام” تحثها فيها على القدوم فورًا، وصلت للمكان وهي تلهث بعنف، ترجلت نحو طاولته وهي تعتذر له مُتلهفة:
ـ متأسفة بجد يا “حسن”، بس كانت جلسة مهمة أوي.
خلعت نظارتها الشمسية ثم واصلت وهي تلتقط انفاسها غير منتبه لذلك الملامح المُتجهمة:
ـ تصدق أن ولد من ضمن الولاد اللي معانا في الدار اتعرض ل..
ـ ميهمنيش أعرف يا “سلمى! ”
هكذا قاطعها قبل أن تواصل، تعجبت من ردة فعله، ضيقت بين حاجبيها وهي تسأله بتعجب:
ـ يعني كل اللي هتقوليه ده ميهمنيش، أنا استنيتك عشان أقولك أن مفيش وحدة محترمة تسيب خطيبها وتجري على شغلها! على كده بقى لما نتجوز منين ما يعزوكي هتجري ليهم زي ما حصل دلوقت؟؟ أنتِ مش المفروض النهاردة أجازتك؟ أزاي تروحي ليهم أول لما يتصلوا بيكِ كده؟؟ طب كنتِ عملتي حساب حتى للي قاعد معاكِ!