فأتنفض في مكانه عند سماعه لصوت الأناس في الخارج، بدأ في الزمجرة وتهديد ذلك المسكين لكي يصمت، لكن لا حياة لمن تنادي؛ “فمالك” كان شبه في حالة من الأنهيار العصبي، عندما فشل ذلك الشاب في تهدءته، خرج الشاب للجيران وقال لهم أن “مالك” يصرخ بلا سبب واضح، وبعد نصف ساعة كان أهل المنزل يحاوطون ذلك المسكين ويتسألون ماذا أصابه؟
“عودة لِما هو عليه الآن”
ـ
وبعدين حصل إيه بعد المرة دي؟
هكذا سألته بتركيز شديد، فاق “مالك” من تلك الدوامة على سؤالها، مسح دموعه ثم قال لها بصوتٍ مبحوح:
ـ وقتها فضلوا يسألوا إيه اللي حصل ومقولتش حاجة، بس زي ما قولتلك، بقيت كل ما حد يقربلي أتنفض وأصرخ، طبعًا من وقتها والولد ده مبقاش يقربلي أصلًا، بس هما مبقوش قادرين يستحملوا عياطي وصراخي المستمر اللي بدون سبب، ده غير حالة الصرع
اللي كانت بتجيلي لما بشوفه أصلًا!
ـ ورجعت هنا أزاي؟
تنهد بثُقل ثم أردف:
ـ بعد اللي بدأ يحصلي بفترة قليلة أوي، هما مقدروش يستحملوا، ورجعوني هنا.
مسكت قلمها ونظرت له وسألته أخر سؤال يدور في عقلها:
ـ أنت فضلت عندهم قد إيه؟
نكث رأسه للأسفل ثم أجابها:
ـ سنتين، سنتين في القرف ده!