وتشوف طلبتنا وتنفذها … وأنا بتعامل معاها على الأساس ده … وده بعيد تمامًا عن أسلوب ماما في التعامل مع الخدامين إللي في القصر وأظن ده واضح ليك.
لم يستطع أن يعلق على كلماتها لكن ذلك الألم الذي يشعر به داخل قلبه كيف يتخلص منه … فقال بهدوء
close
-كلمه خدامه في حد ذاتها تجرح يا نرمين … كلمه دورها تخدمنا توجع … إنك لما تكلميها بأمر غير لما تطلبي منها بأدب
تشتعل نار بداخلها وهي تقف أمام أديم تقول بصوت عالي
-ما أبوس إيديها بالمره علشان تقبل تعملي النسكافيه
-أنا مقولتش كده … بس بدل ما تقوليلها إعمليلي نسكافيه … ممكن تقوليلها إعمليلي نسكافيه لو سمحت
اجابها بهدوء لتقول برفض
-لو سمحت … وليه أتعبها ما أروح أنا أعمله بنفسي وخلاص
-ممكن برده فيها أيه
كل ذلك الحوار كانت تتابعه ونس من خلف تلك الستارة التي تفصل باب المطبخ على صاله البيت وداخلها