كانت تستمع لكلماته والدموع تغرق وجهها تشعر بكم خطأها وبكم ظلمت نفسها وظلمته … ليكمل هو كلماته
-سنه كاملة بشوف فيها حبيبتي حليلتي في أبهى صوره … نار … نار بتولع في قلبي وفي جسمي وأنا شايفها جميلة … مميزة … زي وردة رقيقة أو فاكهة الجنه المحرمه … مش قادر أقرب منها ولا قادر أنسى كلامها إللي جرح
كرامتي ورجولتي … ولا قادر أبعد عنها و أطلقها واريح قلبي من عذابه كل ليله وهي نايمة جمبي ومش قادر أضمها لصدري وأروى عطش قلبي واطفي نار جسمي
شهقت بصوت عالي وهي تغطي وجهها بيديها تبكي بصوت عالي وهي تقول بصوت مبحوح
-أنا آسفه يا حاتم … آسفه … آسفه …آسفه
مد يده يبعد يديها عن وجهها وأكمل كلماته حتى يخرج كل قيح قلبه الذي يؤلمه ويحرم عينيه من النوم … يجعله يتلوى على نيران الخسارة والحسره
-وفي يوم أتفتحت قدامي طاقه … طاقة نور خلت قلبي يحس بشويه أمل وبيبان من الحقايق بتتفتح قدامي وبتخليني أعرف أنا بقيت أيه بالنسبه ليها … دموعها توسلاتها … كلماتها التي جعلت قلبي المجروح يآن بآلم وحسره ورجاء بإنه مش هيقدر يستحمل جرح جديد منها لكن هي فتحت ليه كل الأبواب وسلمته قلبها وبعد ما عاش معاها