ظلت صامته لعدة ثوانِ ثم قالت بشرود
-بس أنت مش بتحبني يا حاتم إيه إللي هيختلف في ده لما نسافر ونبعد عن القصر؟!
نظر إليها بصدمة لكنه قال من بين أسنانه
-تعرفي يا سالي آني أكتشفت إنك مش بس مجرد عروسة حلاوه خيوطها كلها في إيد شاهيناز هانم لا يا حبيبتي أنتِ ما شاء الله غبية كمان.
جحظت عيونها بصدمة وتجمعت بها الدموع ليرفع إصبعه أمام وجهها وقال بأمر
-إياكِ تعيطي وياريت تسكتي لحد ما نوصل وهناك هسمعك وهتسمعيني …. بس يارب تفهميني.
قال الأخيرة برجاء يشوبه الكثير من الحزن …. لتمسح هي تلك الدمعه التي سقطت فوق وجنتها سريعًا وقالت بهمهمة لم يفهمها
-نفسي أفهمك وأفهم نفسي
~~~~~~~~~~~~~
بدأت ونس في تحضير طعام الإفطار مباشرة بعد أن تبادلت بعض الكلمات مع أديم الذي أعاد عليها إعتذاره مما قام به إبن عمه ووعدها بأن هذا لن يتكرر لتشعر بالخجل من كلماته وقالت بصوت رغم الخجل الواضح فيه إلا أنها كانت سعيدة وبشده
-يا باشمهندس حضرتك كده بتكسفني أوي … محصلش حاجه خلاص وبعدين الأرزاق دي بتاعه ربنا