-خلاص أتفقنا .. منتظر أفطر من أيدك بكرة .. مع السلامة
أغلق الهاتف ووضعه بجانبة .. ظل الصمت هو سيد الموقف بعد تلك المحادثة الهاتفية لكن نرمين لم تستطع الصمت أكثر من ذلك فأقتربت منه وجلست على السرير أمامة وهي تقول بأستفهام يغلفه بعض العصبية
-أنا ممكن أفهم أيه أهمية البنت دي علشان تديها كل الإهتمام ده يا آبية .. دي مجرد خدامة حاتم حس أنها مش مُريحة فمشاها
كان الغضب يرتسم على ملامحة مع كل كلمة تقولها وحين أنتهت قالت بصوت ضعيف رغم حدته
-هو غرور وجبروت عيلة الصواف ده ملوش حدود .. حتى أنتِ وحاتم
صمت لثوانِ لكن نظراته الحادة لم تهدء لحظة لكنه أكمل قائلاً بقوة
-ثم مين سمح ليكي أو لحاتم أنكم تأمروا وتنهوا في بيتي .. ده مش قصر الصواف .. ده بيت أديم وأنا الوحيد إللي ليا الحق أني أقرر مين يقعد فيه ومين يمشي
تجمعت الدموع في عيون نرمين وهي تقف تنظر إليه بصدمة قائلة
-يعني أنت مش عايزني هنا يا آبية؟!
ظل صامت لعدة ثوانِ حتى شعرت أن قلبها قد سقط في قدميها لكنه قال بهدوء
-ده بيت أخوكي يا نرمين .. يعني بيتك .. وأهلًا بيكي في أي وقت .. لكن
-لكن!