ينظر لها باندهاش والقلق يطل من عينيه فهمت أنه أحد أقارب أديم فأشارت إلى الغرفة وهي تقول
-الدكتور معاه جوه
ظل ينظر إليها باندهش لكنه تحرك إلى الداخل يطمئن أولا على أديم ثم يفهم من تلك الفتاة وما هي قصتها ..
وماذا تفعل هنا فتح الباب ودلف إلى الغرفة وهو يقول
-خير يا دكتور
نظر إليه الطبيب وقال بهدوء
-دور برد بس شديد شويه.. من الواضح أنه أتعرض لهوا جامد
صمت لثوانِ ثم قال
-مين اللي قاعد معاه هنا علشان أقوله على تعليمات الدوا
كاد أن يقول أنه يسكن بمفرده لكن عبدالصمد قال
-ونس .. هناديها حالاً
وخرج من الغرفة ليقطب حاتم حاجبيه باندهش وهو يردد الإسم .. ثوانِ قليله وعاد عبدالصمد وخلفه تلك الفتاة
التي فتحت له الباب .. ليقول الطبيب بهدوء
-أنتِ إللي عايشه معاه هنا
أومأت بنعم ليقترب منها حتى وقف أمامها مباشرة وقال
-الأدوية دي ياخدها في مواعيدها .. ويشرب سوايل كتير وأنا هعدي عليه كمان يومين .. بس لازم يفضل مرتاح