-ده كان زمان يا ماما .. لما كنا صغيرين .. ومصلحتنا حضرتك بس إللي تعرفيها .. لكن دلوقتي إحنا كبرنا وعرفنا مصلحتنا فين .. وأنا مش هتجوز طارق .. ولو كان فيها موتي .. وحضرتك تقدري تقري الفاتحه عليا من دلوقتي.
تتحداها بكل هدوء .. تصرخ في وجه تسلطها دون صوت مرتفع .. أن عدوىٰ تمرد أديم تنتقل إلى نرمين .. وعليها أن توقف كل هذا الأن
وقفت بهدوء وأقتربت من أبنتها وقالت بأقرار:
-بس أنت هتتجوزي طارق يا نرمين
إبتسمت نرمين أبتسامة صغيرة وقالت بهدوء رغم تلك النار المشتعله داخل صدرها
-أنا مش هعيش تعيسه علشان حضرتك قررتي أني أتجوز طارق .. أنا مش الست إللي تقبل تعيش مع راجل خاين .. ولا عمري هقبل بالقرف إللي طارق بيعمله .. أنا لا معيوبه .. ولا فيا نقص رغم أن مفيش حد كامل .. علشان أقبل
بحته صغيرة من راجل … راجل قرر أنه يكون مباح لكل واحده رخيصه .. راجل قلبه وجسمه مبقاش فيهم مكان لأثر حد جديد .. أنا مش هتجوز طارق وده قرار نهائي.
وتحركت من أمام والدتها مغادرة البهو الكبير .. أيضاً قاطعه حوار سوف يمتد لوقت طويل .. فهي أكثر من تعرف