-أنتِ مخسرتيش أديم وحياتك عندي يا كاميليا لجيبه لتحت رجلك هو إللي يترجاكي إنك تتجوزيه
قال كلماته بحقد واضح وغضب لتلمع عيونها بالدموع وهي تقول
-أديم مش شايفني أصلاً و أوامر طنط شاهيناز خليته يكرهني يا طارق … وأنا مش هقبل أبداً إني أتجوزه لا بالأمر
ولا بالغصب
تحركت من أمامه ونظرت إلى الليل الذي يشبه حياتها مظلم وموحش وقالت
-أنا حبيت أديم علشان هو أديم الحنين الراجل المسؤل إللي كان بيهتم بيا وبيخاف عليا … لكن هو كان شايفني زي سالي ونرمين وعلشان كده أنا مش زعلانه منه … لأنه مش ذنبه أني صدقت كلام طنط شاهيناز ومأخدتش بالي إن
الحب مش بالآمر
كان ينظر إليها بضيق شديد … ولم يعد يحتمل أن يظل صامت فأقترب منها وأمسك ذراعها بقوة وهو يقول من بين أسنانه
-أيه الضعف ده … إزاي تبقى أخت طارق الصواف وتبقى ضعيفه ومستسلمه كده لو عايزة أديم يبقى لازم تعملي كل حاجة وأي حاجة علشان يبقى ليكي ويبقى ملكك مش تستسلمي وتقولي مش ذنبه أنه محبكيش غصب عنه يحبك طالما أنتِ عايزاه يحبك … أنتِ فاهمه
قال آخر كلماته وهو يدفعها إلى الخلف لتشعر بالخوف لأول مره من أخيها ومن أفكارة التى تحمل الكثير من التكبر والغرور والحقد أيضًا أنه يصبح شبيه للسيدة شاهيناز السلحدار في كل شيء
ظل الصمت هو سيد الموقف لعدة ثوانِ حتى تحركت هي في إتجاه الباب لكنها وقبل أن تفتحه ألتفتت إليه وقالت
-الحقد والغضب عمرهم مكانوا بيسببوا السعادة يا طارق بالعكس نهايتهم ديما هي الخسارة … خلي بالك