– حبيبة قلبي ده طيش و مفيش واحده فيهم ليها مكان في قلبي .. وعلى أيدك أتوب وأمشي على الصراط المستقيم يا نيمو طيب قسمًا..
رفعت يديها توقف سيل كلماته وأبتسمت ببعض السخريه وقالت وهي تنظر له من أعلى لأسفل
– أوعى تقسم بالله كذب .. وبعدين أنا مش مستشفى ولا حتى مؤسسه دينيه علشان أتوبك وأصلح حالك .. أنا
إنسانه من حقي أعيش حياتي بهدوء مع شخص يحبني ويكون مخلص ليا ويعيش علشاني مش يعيش علشاني وعلشان كل بنات الكوكب.
أقتربت منه خطوه واحدة وقالت من بين أسنانها وعيونها تنظر إلى خاصته بقوة
– أبعد عني يا طارق .. و إنساني علشان أنا عمري ما هكون واحدة من حريمك .. و أوعى تفكر أن شاهيناز هانم هتجبرني على الجواز منك .. أنا الموت عندي أهون من إني أكون مراتك وعلى أسمك.
وتركته وغادرت صاعدة إلى غرفتها تاركه خلفها طوفان من الغضب قادر على إحراق العالم بأثره
لكن متى خسر طارق الصواف … والأن سيكون هو الرابح الأكبر سوف يحصل على نرمين ويتخلص من أديم ويخفي ذكراه تمامًا ويخلق إسم جديد طارق الصواف
يتبع…..
وقفت كاميليا أمام أخيها داخل غرفته بعد أن إستمعت لحديثه مع نزمين وبعد أن ظل بالحديقة لأكثر من نصف
ساعة يحاول أن يهدء من نوبة غضبه وإحساس الخسارة والرفض يخنقون قلبه بغصه يرفضها هو شكلاً وموضوعًا …. تنظر له بضيق وهي تقول
-أنت كده خسرت نرمين يا طارق … نرمين محتاجه الحب والإهتمام والإخلاص بلاش تمشي وراى طنط شاهيناز هتخسر نرمين زي ما أنا خسرت أديم