الهدوء وتكمله قرأة
(( أكتشفت أنه منظم جداً وذوق جداً … بقيت بحب أوقاتنا في وسط العيله علشان بشوف ضحكته الصافيه وبفرح بحضنه ولمسة إيده لأديا … أول ما بندخل الأوضة بحس بالصمت والوحدة والخوف ليه منفضلش تحت على طول ))
طوى الصفحه سريعًا قلبه يتلهف ليعرف باقي كلماتها … خاصه بعد تلك الكلمات التي أثلجت صدرة وأشعرته ببعض الأمل
بدأت عينيه بأحتضان أحرف كلماتها في نفس اللحظة التي كانت طبول الشوق واللهفه تطرق بقوة داخل قلبه
العاشق رغم كل شيء
(( أكتشفت أنه بيبتسم كتير وهو نايم و ديماً بيكشف الغطا عن رجليه … أكتشفت كمان أنه لما بيصحى بيفضل يبص عليا كتير عيونه فيها حب لكن بتتحول بعد كده وبتتملي بالحزن وأكتشفت كمان أنه شبهي في شويه حاجات زي أنه بياخد شاور الصبح وبليل … وبيحب يمشي حافي …. وبيحب اللون العسلي … نفسي أتأكد أنه بيحبني أنا
كمان … الإحساس لوحدة والشك بيقتل))
رفع عينيه عن المذكرات وهو يحاول فهم كل ما قرأه وما أكتشفه والحقيقه التي أرتسمت أمامه رغم عدم إكتمالها إلا أنها قلبت موازينه ويحتاج الأن لترتيب أفكاره من جديد أغلق المذكرات وأعادها إلى مكانها .. نظر إليها من جديد ورغم تزاحم الأفكار إلا أنه شعر بحاجته للنوم فأخذ هاتفه وأتصل بأديم وحين أجابه قال
– أنا تعبان شويه يا أديم مش هقدر أجي النهاردة