من شهر .. وإن نرمين في حالة صدمه من وقت أكتشاف الحقيقة وأنها بتتعالج نفسياً وأحتمالية دخوله المصحه وارده .. لكن إللي طمني وقوف فيصل جمبها وتمسكه بيها .. واهو دلوقتي بقوا زي الفل .. وأتصدمت لما عرفت إللي حصل لشاهيناز وإللي حكهولي حاتم عنها وجعلي قلبي .. لكن من جوايا ورغم غضبي منها إلا أني مقدرش غير إني أشفق عليها .. أتصدمت طبعاً لما عرفت أن سالي أجهضت لكن كمان كنت مطمن عليها مع حاتم وعارف كويس جداً أنه هيصونها ويحافظ عليها .. وأنه هيقدر
يظبط حياتهم .. لكن الصدمه إللي بجد كان أنتحار كاميليا .. مش قادر أقولك أتوجعت عليها قد أيه … وحاسس أن ذنبها مش في رقبة طارق بس .. لا ده في رقبتي أنا كمان .. الشخص الوحيد إللي كنت مشغول بيه هو أنتِ يا ونس .. طلبت من حاتم يعمل توكيل من أخواتي ويقدم طلب تنازل عن الحق الجنائي والمدني في القضية ويخرجك ويشوفلك شغل .. علشان تبقى
جمبه ومعاه .. ومبقاش خايف عليكي
صمت لثواني .. ثم أخذ نفس عميق وأكمل أخر تفاصيل قصته قائلاً
-وبأوراق إسلام سافرت كان ليا صديق في أحد الدول العربية وأشتغلت معاه .. ولما جمعت شويه فلوس .. رجعت .. ووقتها كان حاتم أتأكد أن همام إللي من صدمته على كاميليا مقدرش يكمل شغل في البوليس قدم أستقالته وسافر .. راح هو
وسالي بيت فيصل وقدام نرمين حكلهم كل حاجة .. وأني لسه عايش والخبر ده كان أول بشاير بدايه علاج نرمين وتحسُنها وأتكلمنا فيديو .. ولما رجعت .. أجتمعنا كذا مره لكن بطريقه متثيرش إنتباه حد .. علشان الصفحات القديمه إللي أنطوت مترجعش تتفتح تاني .
صمت ينتظر رأيها في كل ما قاله .. لكنها صدمته حين قالت
-أنت أتجوزت وخلفت؟!
ليقطب جبينه بعدم أستيعاب لعده ثواني ثم ضحك بصوت عالي .. لتكمل قائلة
-أصل بره في الجنينه في ركن أطفال و..
-أنا عملته علشان حياة بنت سالي .. وفي الأساس علشان ولادنا .. أنا وأنتِ .. أنتِ ناسيه إنك لازم تتعاقبي عن إللي عملتيه
فيا وتتجوزيني
لتضحك بخجل لكنها قالت بمشاغبه
-طيب وأنت هتتعاقب إزاي على اللي عملته فيا كل السنين إللي فاتت دي؟
-هتجوزك .. هو فيه عقاب أكثر من كده
لتضحك بصوت عالي وشاركها هو الأخر الضحك
لكنه صمت وظل ينظر إليها بحب وقال بصدق
-بحبك يا ونس .. بحبك أوي
-وأنا كمان بحبك يا أديم .. أقصد بحبك يا إسلام
*لحظة قبل ما نقول تمت .. عارفه أنكم زعلتوا على إللي حصل لأديم ورغم أن القصه دي النهاية إللي كنت مفكره فيها من أول لحظه من قبل حتى ما أكتب القصتين الأولى قدر والثانيه حلم .. لكن أنا نفسي تعبت نفسياً وأنا بكتب كل إللي فات ده وعلشان كده حبيت أعوضكم .. والمشهد الأخير ده هديه صلح .. يارب تكون الروايه عجبتكم
تمت بحمدالله