وأنها بالنسبه لأبويا مكنتش أكثر من نزوه زيها زي غيرها حتى مفرقش معاه أنه يكرمها علشان خاطري .. وقبل ده كله صدمتي فيكي
لتخفض عيونها أرضا بخجل وحزن وحرج .. ليكمل كلماته
-أنا فعلاً قلبي وقف في العمليات والدكاتره كانوا فعلاَ أستسلموا لفكرة موتي لكن بعد خروجك أنتِ وحاتم من الأوضة حصلت
المعجزة .. أن قلبي رجع يدق .. وصدمه الدكاتره خليتهم ميتكلموش ولا يعرفوا أهلي أي حاجة لحد ما يتأكدوا من حالتي علشان ميرجعوش ليكم الأمل وبعدين أموت تاني والوجع يبقى وجعين
-بعد الشر عليك
قالت سريعاً وبلهفه.. ليبتسم بسعادة وأكمل كلماتها بعد أن ربت على يدها المستريحه فوق يد الكرسي .. وأكمل قائلاً
-نقلوني لغرفة رعاية غير اإللي أتنقل ليها فيصل وسالي .. علشان أبقى بعيد عن عيونكم لحد ما يزول الخطر أو يطمنوا أن فيه أمل بنسبه كويسه .. لكن المشكله أن همام كان عايز ينهي الموضوع بسرعه عشان حاتم يفوق للي وراه .. مراته وفيصل ونرمين .. حتى شاهيناز هانم .. وعلشان كده الدكتور كان مطر يعرفه .. لكن إللي حصل شيء ورى الخيال .. قلبي وقف ..
للمره التانية والدكاترة حاولوا ينعشوه بكل الطرق .. وقبل ما يفقدوا الأمل صرخ فيهم واحد وقال ” زود شحنه الكهربا طلاما هو كده كده ميت زود شحنه الكهربا وفعلاً زودوها ورجع قلبي يدق من تاني .. ولما أستقرت الحاله خرجوا كلهم إلا الدكتور إللي كان مسؤل عن حالتي ساعتها فتحت عيني .. والدكتور حكالي كل إللي حصل .. والقرار طلع في ساعتها .. أنا هفضل ميت في حسابات الجميع .. وساعدني بقى في كل ده همام ومن غير ما يقصد أو يعرف .. لأن كان لازم يحصل تشريح للجثه لكن
هو طلب منهم الرئفه بحالي
صمت لثواني ينظر إلى ملامحها المصدومه وفمها المفتوح وعيونها الجاحظه وأبتسم أبتسامه صغيرة وهو يكمل كلماته
-وفعلاً إللى حصل أنه تم فصلي عن الأجهزة ودخلوني ثلاجة الموتي .. وحصل فحص شامل للجسد والجروح وأطلعوا على
تقرير المستشفى وسبب الوفاة ووافقوا على الدفن .. وكأن القدر كان كاتب ليا أن أديم الصواف فعلاً يموت .. ويولد من جديد شخص أتوفى بالفعل أسمه إسلام علي الدين علام .. شاب أتوفي قبل الحادثه بتاعتنا بيوم .. وللأسف وحيد وملوش أي حد في البلد وملقوش حد يستلم الجثه ولا حد يدفع حساب المستشفى .. ووقتها الدكتور أدخل وسلم همام جثه إسلام .. والأوراق أختفت .. خصوصاً بعد ما الدكتور أخد كل الفلوس إللي كانت معايا .. وإللي كانت مبلغ مش قليل
صمت قليلاً يأخذ نفس عميق عده مرات ثم قال
-فضلت في المستشفى تقريباً ثلاث شهور وبعدها كنت محتاج فلوس ووقتها أتصلت بحاتم
ظهر الإهتمام على ملامحها من جديد .. وقالت
-أنت عارف أنت عملت كام جريمة وأنت في المستشفى؟
-عارف .. بس قدام أن طارق ياخد أعدام .. ونرمين تشوفه وهو بيتحاكم وبيدفع ثمن كل إللي عمله وترجع لحياتها الطبيعيه .. كنت مستعد أقتله بـأيدي
صمتت تطلع في ملامحه بتعابير غير واضحه ليتجاهل هو كل ذلك وأكمل قائلاً
-حاتم دفع فلوس المستشفى وخرجت منها وأكتشفت كل إللي حصل .. عرفت أن طارق أتحكم عليه بالإعدام وإن التنفيذ تم