لتصرخ شاهيناز بغضب لأول مرة يظهر بهذا الشكل
-أنت مين أصلا علشان تدخل في الأمور دي .. أنت أبن حرام .. أبن نزوه من نزوات أبوك وخياناته المتكررة .. أنت مين علشان تتحكم في مصاير بناتي .. أنت ولا حاجه .. فاهم ولا حاجة.
خرجت نرمين من خلف ظهر أديم وأمسكت ذراعه بقوة ووقف حاتم وسالي وأقتربوا منه لكنه كان يبتسم أبتسامة شاحبه وقال بصوت يقطر ألما
-صحيح أنا أبن حرام .. ومن علاقه من علاقات كتير لأبويا .. ومش عارف أمي مين لكن ده كله مينفيش أني أخوهم
الكبير .. وإن ليا مكانه في حياتهم أكبر من مكانتك وأنتِ أمهم .. عارفه ليه يا شاهيناز هانم .. لأنك عمرك ما فكرتي فيهم .. أنتِ كل إللي كان شاغلك هو مكانتك في المجتمع .. عمرك ما كنتِ بتخافي على بناتك .. أنتِ كنت بتخافي من كلام الناس ونظراتهم وده إللي خلاكي تقبلي بكل خيانات بابا ليكي .. واللي أي ست محترمة غيرك عمرها ما
كانت هتقبل بيه
الصدمة مرسومه على كل الوجوه .. أن تلك المواجهه ليس وقتها وقد تضر أديم .. أذا قررت شاهيناز العند وفضح كل شيء .. لكن ما حدث لم يتوقعه أحد .. رفعت شاهيناز هانم رأسها بشموخ تنظر إلى أديم بتحدي .. وفي لحظة