-هو أنت متعرفش أختك فين يا طارق باشا .. صحيح هتعرف أزاي وأنت مش شاغل نفسك غير بيا أنا بس .. وأزاي تكسرني وتاخد كل إللي ليا ويبقى ليك
أحتقن وجه طارق بغضب كبير وهو يضرب سطح الطاولة قائلاً بصوت عالي
-هو أنت عايز تعمل بطل حتى بيني وبين أختي .. كاميليا هتكون فين يعني .. يا في أوضتها أو في البيسين بتتمرن
ليضحك أديم بصوت عالي أمام نظرات الجميع بين المندهش .. وبين السعيد بموقف طارق المخجل .. وبين الجاهل المنتظر أن يعلم .. ليضرب طارق الطاولة مرة أخرى وقال
-أنت بتضحك على أيه؟
وترك الطاوله وهو ينادي على كاميليا بصوت عالي .. ولو كانت كاميليا موجودة بالبيت لأنتفض جسدها رعباً بسبب صوت أخيها الجهوري .. لكن أديم تحرك من خلف الطاولة بهدوء وقال ببرود
-كاميليا سابت قصر الصواف من أكثر من ثلاث أيام يا طارق .. من اليوم إللي كشفت لعبة شاهيناز هانم معاك .. ومن نهار الإجتماع إللي الحقايق كلها بانت فيه.
زاد إحتقان وجه طارق وهجم على أديم حتى يضربه لكن حاتم وقف بينهم يحول بين وصول طارق لأديم الذي قال