-أصل ماما لو عرفت إني طلبت الحاجات دي ممكن ترميني من الشباك عادي .. وأنا نفسي فيهم أوي
ليضمها إلى صدره بحنان وقال بصدق
-طول ما أنا موجود مفيش حد ممكن يأذيكي حتى والدتك .. وكل إللي نفسك فيه يتحقق في التو واللحظة
وغادر الغرفة حتى يطلب من العاملين بالمطبخ تحضير كل ما طلبته سالي ووضع هو لمسته السحرية المميزة
لكن ما حدث بالأسفل جعله يشعر بالضيق وهيئة أديم وصوته زاد من قلقه .. وخوفه
طرق على باب غرفة أديم وسمعه يسمح له بالدخول .. ليسقط قلبه أسفل قديمة حين وجده يجلس أرضًا يستند إلى الحائط ويخبئ رأسه بين ذراعيه المستريحين فوق ركبتيه .. ليدلف إلى الغرفة وأغلق الباب بسرعه وأقترب
يجلس أمامه وهو يقول بقلق وتوتر
-في أيه يا أديم أيه إللي حصل؟
لم يتحرك .. أو يتكلم ولكنه حرك يده حركه بسيطة لينتبه حاتم للظرف الأبيض الذي بين يدي أديم ليأخذه وفتحه بلهفه .. لتجحظ عيناه وهو يقرأ ما كُتب بتلك الطريقة الغريبة التي تشبه أفلام العصابات الأجنبية
(( لو قدرت تداري على الفضيحة الأولى فأنا بقى عارف الفضيحة التانية .. وكنت شاهد على أغتصاب أختك وعارف
إللي عملها ودور الشرف إللي كلكوا عايشين فيه بكلمة مني هيتفضح .. أستعد علشان إللي جاي مش هيبقى سهل أبدا .. ليا شروط وأنت هتنفذها .. وإلا المرة دي عيلة الصواف مش هيقوملها قومة ))
-مين إللي بعت الكلام ده؟