– أنت بتتكلم عن قلة التقدير في مؤسسة الصواف يا حاتم .. يا ابني كل الموظفين متقدرين .. لكن أنت إبن البطه السودا .. أنت من عيله الصواف لازم تتمرمط يا حبيبي
ليرفع حاتم حاجبيه بأندهاش و صدمه .. و ألتفت ينظر إلى أديم الذي جلس على الأريكه الكبيرة و أراح ذراعيه على
ظهرها واضعا قدم فوق الأخرى ينظر له بأبتسامه متسليه
وضع حاتم الأوراق التى بين يديه على المكتب بقوة و قال مازحاً
– طيب أنت ولي عهد الأمبراطوريه و لازم يطلع عينك أنا مالي
جلس على الكرسي و هو يقول آخر كلماته ليتنهد أديم و ظهر الضيق على ملامحه لكن حاتم قال سريعاً
– نفسي أعمل زيك و اسيب قلعه الصواف .. أنا بجد تعبت من كم التجمل و عدم التعامل براحه و حريه
أستند بذراعيه على ساقيه و قال بمرح
رواية ونس كاملة جميع الفصول
– يا ابني نفسي أمشي حافي .. ألبس شورت بس .. أدخل أخد دش و مسرحش شعري .. نفسي أكل فول وطعميه بالعيش البلدي .. و أغمس كده بأيدي مش كل حاجه لازم نعملها بالشوكه و السكينه
ليضحك أديم بصوت عالى و هو يقول