نظر إليه أديم نظره أرعبته حقاً .. أول مرة يرى كل ذلك الشر على وجه صديقه .. لكن أديم مد يده بالهاتف تجاه حاتم وقال
-شوف البورصة كده
جحظت عيون حاتم وهو يرى التراجع الكارثي في البورصة للمؤسسة .. ليقول أديم بهدء رغم الغضب الواضح على
وجهه
-لازم نلحق الكارثه دي .. طالما أتلعب بينا لعبه قذره أحنا كمان نرد أعتبرنا بلعبه قذره برده
-بس يا أديم من الواضح أنهم عندهم دليل .. دي عرفت إللي حصل هنا في المؤسسة
قال حاتم بتفكير .. ليمد أديم يده بجهاز أسود صغير وقال موضحاً
-كانت بتتصنت عليا .. لقيته الصبح وأنا بلبس وقع من جيب الجاكت
وقف حاتم والقلق يرتسم على ملامحه .. ليقول أديم بهدوء
-متقلقش كل التسجيلات دي هتكون معايا خلال ساعات
قطب حاتم حاجبيه بأندهاش وهو يقول
-أزاي؟!
أبتسم أديم أبتسامة صغيرة .. وهو يتذكر ما حدث بعد أن ترك ونس
“يسير بخطوات واثقه وقوية .. غير مهتم بالعيون التي تنظر إليه بين رهبه .. وأعجاب .. وبين تشفي وشماته .. لكنه توقف حين سمع صوت رجل يقول