-أيه إللي أنت بتقوله ده يا راجل ده هي بس كانت زعلانه وكنت بصالحها .. أحنا ناس متربيه وأمور السفاله دي مش بتحصل عندنا
لتضحك سالي لكنها كتمت الضحك بيدها كذلك أديم الذي قال بتسليه
-يالهوي يعني أنا مش هبقى خالو أبدا .. لا أحنا نطلق بنتنا وتشوف نصيبها مع حد تاني يجبلنا إللي يقولي يا خالو
كشر حاتم حين فهم مغزى حديث أديم لينفخ صدره وهو يقول بأقرار
-لا … أنت تقصد أيه أنا راجل أوي .. وان شاء الله ولي العهد يشرف قريبًا ويبقى محتار يقولك يا خالو ولا يعمو
أبتسم أديم لمجرد التخيل .. وقال وهو يقترب من أخته .. يقبل أعلى رأسها
-ربنا يفرحك يا حبيبتي ويسعدك .. ولو الواد ده زعلك في يوم عرفيني بس .. وأنا أربيه من أول وجديد وأعيدلك ترتيب وشه كمان لو عايزة
ألتفتوا جميعًا على صوت نرمين وهي تقول بغضب مصطنع
-الله الله .. خيانه بتحبوا بعض من غيري
ليفتح لها أديم ذراعه لتركض إليه وتلقي بنفسها بين ذراعه .. ليقول حاتم بمرح