لكنه قد قرر أن يذهب لمنزل أديم وينتظره هناك .. فلن يتركه بمفردة على الأقل اليوم
وبالفعل ذهب ثلاثتهم إلى البيت لكنه لم يكن هناك لتجلس نرمين على الكرسي بأنهاك وهي تقول بخوف
-هيكون راح فين بس؟
جلس حاتم جوار سالي وقال بعد تفكير
-ممكن يكون بيلف بالعربية شوية أو يكون راح مكان هادي علشان يفكر
لتنظر إليه سالي بقلق وقالت بصوت حزين
-إللي حصل مش سهل أبدا ومينفعش يكون لوحده دي صدمه مش سهله .. أنا لو كنت لسه سالي القديمة .. كنت
مش هبقى عايزة أعرفه تاني لكن دلوقتي أنا بجد خايفه عليه مامي ظلمته هو ملوش ذنب
ليضمها حاتم إلى صدره وهو يقول بصدق وسعادة
-أنا فخور بيكي يا سالي .. هو ده الكلام والصح .. أديم ملوش ذنب في أي حاجة حصلت زمان .. وبرضو هو لسه أخوكم وأبن عمي سراج
-أيوة هو أخونا مهما حصل وأتقال .. بس أنا خايفه عليه .. أنا أكتر واحده عارفه يعني أيه تتصدم وتخسر حاجة مهمه في حياتك