ليبتسم بسخريه وهو يقول بألم
-خلاص أتبريتي مني؟
نظرت إلى عمق عينيه وقالت بتحدي
-أتبرى منك ليه؟ أنت فعلا مش أبني أنت أبن سراج من واحده من عشيقاته .. معرفش حتى أسمها أيه؟ وعلشان
شكل العيلة وعلشان كلام الناس و لأني وقتها كنت لسه مخلفتش قبلت أن سراج يكتب في شهادة ميلادك أسم الأم شاهيناز السلحدار .. وكنت فاكرة إني هقدر أخليك من العائلات الراقيه .. لكن للأسف دم أمك القذر تغلب على كل شيء وخلى أصلك الواطي يظهر .. وعلشان كده أنا كنت ناوية أسيب نصيبي لبناتي .. لكن هما شايفين أنك أخوهم إللي هيصون فلوسهم .. فمايستهلوش أني أديهم أي حاجه
ثم نظرت إلى المحامي وقالت
-أعمل أجرائات نقل ملكية أسهمي لطارق
ثم نظرت لطارق وقالت بتوضيح
-قبل ما أمضي على الأوراق الفلوس تكون عندي يا طارق
ونظرت إلى بناتها وقالت
-قصر الصواف مفيش واحده فيكم تعتبه .. القصر مكتوب بأسمي من زمان أوى كنوع من التعويض عن إللي شوفته في حياتي مع أبوكم .. ومن النهارده أنا مليش بنات ولا عايزة أعرف عنكم حاجة