-هبقى أحكيلك
ليقطع أديم حديثهم وهو يقول
-مفيش مشكلة .. أنتِ جيتي في الوقت المناسب .. ومبروك على الشغل .. بس أعملي حسابك بعد الإجتماع ده أنا عايز أتكلم معاكي كلمتين
أومأت بنعم .. ليعود أديم لما كان يقوله
-قبل وفاة بابا كان كاتب ليا بعض أسهم خارج ورثي منه ونسبتي هي الأكبر من بين الجميع
صمت لثواني لتقول نرمين بهدوء
-وأنا موكله أديم بالتصرف في كل الأسهم الخاصه بيا … ومش هستأمن غيره على مالي
أبتسم أديم لها وقال بأمتنان
-دي مسؤلية كبيرة يارب أكون قدها
لتقول سالي بصوت هادئ يكاد يسمع
-أنا كمان أكيد مش هأمن لحد أكثر من أخويا
ثم نظرت لحاتم وقالت بأستفهام
-مش كده
أومأ بنعم وهو يأكد على كلماتها
-من بعد وفاة عمي سراج وقبله بابا .. ومن بعده عمي حداد .. أديم قدر يوصل بالشركة لمكانه مهمه جداً في السوق .. ومؤسسة الصواف بقى ليها شأن كبير والكل بيعملها ألف حساب وبيعمل لمديرها ألف حساب
كانت النظرات ناريه بين طارق وباقي العائلة .. حتى تكلمت كاميليا وقالت بهدوء