تفلتي من إيدي وتفكري تقولي ليا أنا لأ .. هو أنتِ فاكره إني هسكت .. لا ياحلوه .. لا يا نيمو .. اللعبه لسه مخلصتش وزي ما أخدتك وأنتِ عينك في عيني .. هخليكي تيجي تتوسلي ليا علشان أقبل بيكي والكارت الأخير في أيدي .. والضربه هتكون على الكل
ظل يتأمل صورتها لعدة ثوان .. ثم حول نظره إلى صورة أديم وهو يقول بغضب وغل
-أنت بقى الموت فيك حلال .. وإللي هعمله فيك ده تخليص الدين القديم .. لكن الدين الجديد .. أصبر عليا فيه .. هخده .. وأخد الحق حرفه يا أديم .. يا أبن عمي
ظل ينظر إلى الصورة والوجه .. وأبتسامة سخريه تزين شفتيه .. وفي لحظه خاطفه ألقي بالإطار إلى الحائط
المقابل له ليتهشم بالكامل وتناثر زجاجه في كل مكان .. حتى أن إحدى القطع الصغيره جرحت وجنته ليبتسم وهو يرفع سبابته يمسح قطرات الدماء ببرود .. ثم وقف مقرراً أن يأخذ قسط من الراحه حتى يستعد للمرحلة الجديدة .. ليرفع الغطاء بكل ما عليه من أشياء مكسره وألقاه أرضا ثم ألقى بنفسه فوق السرير وأغمض عينيه ونام
…………………
قبالة الفجر وصل حاتم وسالي إلى العاصمة .. لكنه وقبل أن يغادر المطار وقف أمامها وقال
-أحنا مش هينفع نرجع القصر دلوقتي .. أيه رأيك يا نروح عند أديم أو ننزل في أوتيل لحد ما نشوف أيه إللي هيحصل النهاردة في الشركة