-ومعاكي كام لغه بقى على كده؟!
أبتسمت بثقه وهي تقول
-إنجليزي وفرنساوي وألماني وتركي وأسباني … وحاليًا بتعلم عبري عن طريق كورسات أونلاين.
close
لتتسع ابتسامته وهو يقول بسعادة
-أهلاً بيكي يا أستاذه كاميليا معانا في الشركة
لتبتسم هي الأخرى بسعادة … لكنه أكمل كلماته قائلًا
-الشركة لسه في مرحله التأسيس يعني حضرتك المترجمة الوحيدة للشركه بشكل مبدئي
-ان شاء الله هكون عند حُسن ظنك
قالتها بثقه لا يفهم سببها ولا يفهم سبب موافقته من الأساس عليها لكن من داخله يشعر أن هناك شيء خاص بها
… شيء يذكره بمن ملكت قلبه لكنها بعيدة بعد السماء عن الأرض
~~~~~~~~~~~~~~~~~~~~~~
طرقات على باب غرفته يعرف صاحبتها تجعل قلبه يتراقص مع تلك الطرقات بسعادة وبصوت هادىء سمح لها بالدخول