-أنتِ رايحه فين يا كاميليا
ظلت صامته لعدة ثوانِ .. ثم رفعت حقيبتها فوق كتفها وقالت بهدوء
-رايحه مقابلة شغل .. أدعيلي يا أنطي
ضيقت شاهيناز ما بين حاجبيها بصدمه وقالت ببعض الاستهجان
-مقابلة شغل فين؟ أنتِ ناسيه أنتِ مين وبنت مين … وبعدين قولتلك قبل كده أشتغلي في المؤسسة على الأقل يكون ليكي فرصه مع أديم
ظلت صامته تستمع لكلماتها بهدوء فهي كانت متوقعه لتلك الكلمات وبنفس الترتيب حتى .. أقتربت خطوه من مكان جلوس شاهيناز وقالت
-أنطي أديم لا شايفني ولا هيشوفني .. ومليش خلاص فرصه معاه .. وبعدين أنا مش هفضل راهنه نفسي بيه .. أنا
أستاهل أني أتحب .. أستاهل أنه يتعمل علشاني المستحيل .. مش أنا إللي أعمل المستحيل علشان حد وكمان مش شايفني
صمتت لثوانِ ترى تأثير كلماتها على وجه شاهيناز ثم قالت
-وبما أني قررت أشتغل فأنا عايزه أنجح بمجهودي .. مش باسم عيله الصواف ولا في مؤسسة عيلة الصواف